5 Pikat

Jo program elektoral. Një vijë e kuqe qytetare.

Këto pika nuk janë premtim partie. Janë minimumi që e ndan një protestë qytetare nga një pazar politik.

Dorëheqje e menjëhershme e Edi Ramës.
Pa përgjegjësi politike, çdo gjë tjetër kthehet në teatër. Karrigia nuk mund të mbetet e zënë nga i njëjti pushtet që qytetarët po kundërshtojnë.
Hetim, arrestim dhe gjykim për çdo zyrtar, oligark apo bashkëpunëtor që ka vjedhur Shqipërinë.
Askush nuk duhet të ketë imunitet faktik për shkak të partisë, parasë, medias apo lidhjeve.
Sekuestrim dhe kthim te populli i çdo pasurie të vjedhur.
Korrupsioni, koncesionet, tenderat, pronat publike dhe krimi politik nuk janë thjesht skandale. Janë pasuri qytetare të marra padrejtësisht.
Çlirim i shtetit nga partitë, oligarkët, patronazhistët, propaganda dhe kapja e drejtësisë.
Shteti nuk mund të funksionojë si pronë partie. Administrata, drejtësia dhe institucionet duhet t’i shërbejnë qytetarëve.
Zgjedhje të lira dhe një rrugë e re politike.
Qytetarët duhet të zgjedhin përfaqësues të pastër, jo riciklimin e të njëjtëve emra dhe pazare.